University of Raparin Logo

كتێبخانەی ناوەندی زانكۆ

كتێبخانە: دەزگایەكی ڕۆشنبیری كۆمەڵایەتی پەروەردەیی فێركردنی گشتی یە. سەرجەم بەرهەمەكانی بیری مرۆڤی تێدا دەپارێزرێت. بە سیستەمێكی ڕێكو پێك ڕێكدەخرێت.بە كەمترین ماوەو و ئاسانترین شێوەو بێ‌ بەرامبەر ڕاژەی خوێنەران دەكات.
ئه‌رک و ئامانجه‌کانی کتێبخانه‌
1-ڕێکخستنی  سه‌رچاوه‌کانی کتێبخانه‌ تا به‌ ئاسانترین شێوه‌ سودیان لێوه‌ربگیرێت.
2-ئاسانکاری و ڕێنیشاندانی خوێنه‌ران بۆ ده‌ستگه‌یشتن به‌ سه‌رچاوه‌ی زانست و زانیاریه‌ په‌روه‌رده‌ییه‌کان.
3- ده‌سته‌به‌رکردنی سه‌رچاوه‌ی ئه‌کادیمی بۆ توێژه‌ران به‌ مه‌به‌ستی ئه‌نجامدانی توێژینه‌وه‌ له‌ بواره‌ جیاجیاکاندا.
4- ده‌سته‌به‌رکردنی که‌شێکی گونجاو بۆ خوێندنه‌وه‌.
5- دروستکردنی ڕایه‌ڵه‌ی هاوکاری و هه‌ماهه‌نگی له‌گه‌ڵ کتێبخانه‌ و ده‌زگا مه‌عریفیه‌کانی تر له‌ پێناو دۆزینه‌وه‌ی سه‌رچاوه‌ی زیاتر بۆ خوێندکاران و خوێنه‌ران.
6- هه‌ماهه‌نگی و ڕاوێژکردن له‌گه‌ڵ فاکه‌ڵتی و سکوڵه‌کان له‌کاتی په‌یداکردن و کڕینی سه‌رچاوه‌کانی کتێبخانه‌، تا پێداویستیه‌ ئه‌کادیمیه‌کانی خوێندکاران و مامۆستایان ده‌سته‌به‌ربکرێن.
به‌شه‌کانی کتێبخانه‌
1-به‌شی پێڕست و پۆڵێنکردن: ئه‌مه‌ به‌شه‌ هه‌ڵده‌ستێت به‌ پێڕستکردن و پۆلێنکردنی سه‌رچاه‌کانی کتێبخانه‌ ئه‌مه‌ش به‌ مه‌به‌ستی خوێندنه‌وه‌ و توێژینه‌وه‌. کتێبخانه‌ی ناوه‌ندی زانکۆمان سیستمی (دیوی ده‌یی) له‌ ژماره(‌ 000 تاوه‌کو 999) به‌کارده‌هێنیت. به‌شێوه‌یه‌کی گشتی دوو پۆلێنکردنمان هه‌یه‌ که‌ بریتین له‌ پۆلێن به‌پێی بابه‌تی سه‌رچاوه‌کان له‌گه‌ڵ پۆلێن به‌پێی زمانی سه‌رچاوه‌کان. ئامانجی ئه‌م پۆلێنبه‌ندکردنه‌ کارئاسانیه‌ بۆ دۆزینه‌وه‌ی سه‌رچاوه‌کان له‌ که‌مترین کاتدا.
2-یه‌که‌ی په‌یداکردن:ئه‌م یه‌که‌یه‌ سه‌رپه‌رشتی په‌یداکردنی سه‌رچاوه‌کان ده‌کات بۆ کتێبخانه‌ی ناوه‌ندی زانکۆ له‌ ڕێگای کڕین،پێشکه‌شکردن،گۆڕینه‌وه‌ له‌گه‌ڵ کتێبخانه‌کانی تر. به‌لام ڕێگای سه‌ره‌کی په‌یداکردنی کتێب و سه‌رچاوه‌کانی تر بریتیه‌ له‌ کڕین له‌ ده‌زگا چاپه‌مه‌نیه‌کان. دوای په‌یداکردنیان هه‌موو سه‌رچاوه‌کان ئاراسته‌ی یه‌که‌ی پێڕست و پۆڵێن ده‌کرێن.
3-به‌شی خواستن: فه‌رمانبه‌رانی ئه‌م یه‌که‌یه‌ هه‌ڵده‌ستن به‌ پێدانی سه‌رچاوه‌کانی کتێبخانه‌ به‌ خوێندکاران و توێژه‌رانی زانکۆمان و ده‌ره‌وه‌ی زانکۆ هه‌وره‌ها وه‌رگرتنه‌وه‌ی سه‌رچاوه‌کان له‌ خوازیاران. ئه‌م به‌شه‌ به‌گوێره‌ی چه‌ند یاسا و ڕێنماییه‌کی تایبه‌ت ڕێکخراوه‌. دوو جۆر خواستن هه‌یه‌، خواستنی ده‌ره‌کی بۆ ده‌ره‌وه‌ی زانکۆ، هه‌روه‌ها خواستنی ناوخۆ که‌ بریتی یه‌ له‌ پێدانی سه‌رچاوه‌کان بۆ خوێندنه‌وه‌ی له‌ هۆڵی کتێبخانه‌.
4- بەشی بەرگ تێگرتن:-یەكێكە لەبەشەكانی كتێبخانە ئەم بەشە هەڵدەستێت بە بەرگ تێگرتن و چاك كردنەوەی ئەو سەرچاوانەی كە دڕاون و لە كەڵك كەوتوون .
5-هۆڵی خوێندنەوە: له‌ ناو کتێبخانه‌ی ناوه‌ندی زانکۆمان هۆڵی خوێندنه‌وه‌ ده‌ستبه‌رکراوه‌، که‌ خوێندکاران ده‌توانن به‌ گرووپ یان تاکه‌که‌سی توێژینه‌وه‌ و خوێندنه‌وه‌ ئه‌نجامبده‌ن.
6-ئینته‌رنێتی کتێبخانه‌: کتێبخانه‌ی ناوه‌ندیمان تاقیگه‌ی کۆمپیوته‌ری تێدایه‌ و هێڵی ئینته‌رنێت بۆ خوێندکاران ده‌ستبه‌رکراوه‌. له‌ ئێستادا پێڕست و پۆڵێنی هه‌موو کتێبه‌کانی کتێبخانه‌ له‌سه‌ر ئه‌م کۆمپیوته‌رانه‌ دانراون و خوێنه‌ران ده‌توانن به‌ ئاسانی گه‌ڕان به‌ناو پێڕستی کتێبه‌کاندا بکه‌ن و زنجیره‌ی پۆڵێنه‌که‌یان له‌ به‌شی خواستن داوا بکه‌ن.
کتێبخانه‌که‌مان له‌ هه‌وڵدایه‌ به‌ زووترین کات سیستمی که‌ته‌لۆگی ئه‌لکترۆنی په‌یڕه‌وبکات و وه‌ک کتێبخانه‌ی زانکۆ پیشکه‌وتووه‌کانی جیهان به‌ سیستمێکی پێشکه‌وتوو پڕۆسه‌ی خواستن و وه‌رگرتنه‌وه‌ی سه‌رچاوه‌کان ئه‌نجامدات.
7-کۆگای کتێخانه‌: ئه‌م کۆگایه‌ بۆ دوو مه‌به‌ست سوودی لێوه‌رده‌گیرێت؛ یه‌که‌م/ له‌کاتی کڕین یان وه‌رگرتنی کتێب وه‌ک دیاری،هه‌موویان له‌ کۆگای کتێخانه‌ هه‌ڵده‌گرێن تا له‌ نزیکترین ده‌رفه‌تدا پۆڵێن بکرێن. دووه‌م/ هه‌ڵگرتنی هه‌موو ئه‌و کتێب و سه‌رچاوانه‌ی که‌ دانه‌ و کۆپی زیادمان هه‌یه‌.