University of Raparin Logo

بە ڕێوەبەرایەتی تۆمارگای گشتی

پوختەیەك دەربارەی تۆماری گشتی زانكۆ و كارەكانی بەڕێوەبەرایەتی تۆماری گشتی / یەكێكە لە بەڕێوەبەرایەتیە گرنگەكانی زانكۆی ڕاپەڕین،لە هەیكەلی زانكۆدا سەر بە یاریدەدەری سەرۆكی زانكۆیە بۆ كارو باری خوێندكاران . لە تۆمار هەموو زانیارییەكی كەسی و ڕەوتی خوێندنی خوێندكار لە ماوەی خوێندنیدا تۆمار دەكرێت و لە دۆسیەی تایبەت بە خۆیدا هەڵدەگیرێت .ئەركی تۆمارگا پاراستن و هەڵگرتنی هەموو ئەو زانیاریانەیە كە لە دۆسیەی خوێندكاردا هەیە وەك ( زانیاری كەسی، ڕەوتی خوێندن، بابەت، نمرە، یەكە ) وە  هەر شتێكی تر كە تایبەت بێت بە خوێندكار .تۆمارگای گشتی بە پێی هەیكەلی كارگێڕی پێك دێت لە چوار هۆبەبەڵام بەهۆی نەبوونی فەرمانبەرەوە تەنها دوو هۆبە چالاكە:
بەڕێوەبەری تۆمارگایی گشتی : م.ی عوسمان عبدالرحمن احمد
1-    هۆبەی وەرگرتنی خوێندكاران :- ئەركیان وەرگرتنی ئەو خوێندكارانەیە كە لە ناوەندی وەرگرتنە وە ناویان لە زانكۆی ڕاپەڕین دەردەچێت،هەروەها هاوكاری و  ڕێنمایی كردنی خوێندكاران لە پێدانی زانیاری دەربارەی كاری گواستنەوەو  دابەزین بۆ ئەو خوێندكارانەی كە دەیانەوێت بەشەكانیان بگۆڕن یان گواستنەوە بكەن لەنێوان زانكۆو پەیمانگاكانی هەرێم و پێدانی باج و دەركردنی فەرمانی زانكۆیی وەرگرتنی خوێندكاران.
•    ناوی كارمەندانی هۆبەی وەرگرتنی خوێندكاران :  
1-     پەروین امین – لێپرسراوی هۆبە
2-     هاودەنگ محمد – ی.وەرگێڕ (توركی)
3-    ئاڤێستا ابراهیم – ی . وەرگێڕ (فەڕەنسی )
4-    هاوكار نبی – ی . ئامار 2-    هۆبەی بڕوانامەكان : - ئەو هۆبەیە هەڵدەستێت بە دروست كردنی بڕوانامەی بە نمرە بۆ ئەو خوێندكارانەی كە خوێندنیان تەواو كردووە بە زمانەكانی ئینگلیزی و عەرەبی و كوردی ، وە دروست كرنی بڕوانامەی دەرچوون بۆ ئەو دەرچوانەی كە دادەمەزرێن .
•    ناوی كارمەندانی هۆبەی بڕوانامەكان :
1-    بەناز ابراهیم – لێپرسراوی هۆبە
2-    توانا عزیز – ی.ئامار
3-    مریم محمد – ی.ئامار    
                                                                                                                                                                       
•    هۆبەی خوێندنی باڵا :-  ناچالاكە
•    هۆبەی هاتوو دەرچوو :- ناچالاكە ژ . تەلەفۆن                   07480191422   
Email:ئەم ئیمەیڵە پارێزراوە لە سپام, پێویستە جاڤا سکریپت چالاک بکەیت بۆ بینینی.      
Facebook

_______________________________________________________________________________________________________________________________________________________________________________

 

پوختەی هەنگاوەكانی گواستنەوە و دابەزاندن بۆ ساڵی خوێندنی    2014 تكایە خوێندكاری خۆشەویست پێش ئەوەی پرسیار بكەی لە تۆمارگای گشتی یان تۆمارگای فاكەڵتی  و بەشەكان  ڕێنماییەكانی (گواستنەو و دابەزاندن ) بۆ ساڵی (2014) بە وردی بخوێنەوە .  

خوێندكاری خۆشەویست :
دوای ئەوەی ڕێنماییەكانت بە وردی خوێندەوە و زانیت كە دەتوانی بە پێی یەكێك لە بڕگەكانی ( دابەزین یان گواستنەوە) بكەیت بۆ دڵنیا بوونی زیاتری خۆت دەتوانی پرسیار  لە تۆمارگای گشتی زانكۆ یان تۆماری فاكەڵتی بەشەكان بكەیت پێش نوسینی داواكاریەكەت بۆ سەرۆك بەش . بەم شێوەیەی خوارەوە.......

1-داواكاریەك ئاڕاستەی سەرۆك بەشی خۆت دەكەی پێش بردنی بۆ سەرۆك بەش با ڕەزامەندی بەڕێوبەر  یان كارمەندی تۆماری فاكەڵتی  یان بەشی لەسەر بێت  . (فۆرمی دابەزاندن + فۆرمی گواستنەوە )
2-سەرۆك بەش و ڕاگر لەسەر داواكاریەكەی  لاری نەبوونی خۆیان دەنوسن (هامش)
3-ئینجا تۆمارگای فاكەڵتی فۆڕمی گواستنەوەت بۆ پڕدەكاتەوە ئەگەر گواستنەوە بێت ئەگەر دابەزاندن بێت فۆڕمی دابەزاندنت بۆ پڕ دەكاتەوە و نوسراوەكە بەرز دەكاتەوە بۆ تۆمارگای گشتی زانكۆ .
4-لە تۆمارگای گشتی زانكۆ  (دەربڕینی ڕا ) ت بۆ بەرز دەكرێتەوە بۆ تۆمارگای گشتی ئەو زانكۆیەی بۆ دەچیت.
5-تۆمارگای گشتی ئەو زانكۆیەی كە خوێندكار بۆی دەچێت نوسراو دەنێرێت بۆ تۆماری فاكەڵتی ، یان تۆمارگای بەش ،ئەوانیش نوسراو دەكات بۆ سەرۆك بەش و سەرۆك بەش لاری نەبوونی بۆ دەنوسێت،ئینجا تۆماری فاكەڵتی لاری نەبونی بۆ دەكات بۆ تۆمارگای گشتی زانكۆ كەی و ئەوانیش لاری نەبون بۆ ئەو زانكۆیە دەكەن كە خوێندكار لێی دەڕوات.
6-نوسراوی هاتوو لە تۆمارگای گشتی لەگەڵ بەراییەكانی خوێندكار دەنێردرێت بۆ وەزارەت بۆ وەرگرتنی ڕەزامەندی ،ئەگەر وەزارەت لاری نەبو لە داواكاریەكەی خوێندكار ئەوا فەرمانی زانكۆیی لە تۆمارگای گشتی  بۆ دەردەكرێت و لە تۆماری فاكەڵتی فەرمانی كارگێڕی  بۆ دەردەكرێت  ، دۆسیەكەی هاوپێچ دەكرێت و دەنێردرێت بۆ تۆمارگای گشتی ئەو زانكۆیەی كە خوێندكار بۆی دەچێت.

تێبینی :
* بۆئەو خوێندكارانەی كە گواستنەوە دەكەن ئەگەر جیاوازی بابەتەكانی لە (2) لە دوو بابەتی سەرەكی زیاتر بوو ئەوا لیژنەی زانستی فاكەڵتی زانكۆ قۆناغێك دەیگێڕیتەوە دواوە.....
ئێمە  پێمان وایە لە قۆناغی چوارەم گواستنەوە كارێكی گونجاو و زانستی نیە....