University of Raparin Logo

بەشى ئەندازیارى شارستانى

مێژووی بەشى ئەندازیارى شارستانى
بەشى ئەندازيارى شارستانى، بەفەرمانى زانكۆى ژمارە (٥٠١) له‌ بەروارى (٢٠١٥/١٢/١) کراوەتەوە وەکو یەکەم بەشى ئەندازیارى لەزانکۆى راپەڕین و خرایە سەر سەرۆکایەتى زانکۆ. بەڕێز (د. نجم الدین محمد سعید) ديارى كرا وەک سەرۆکى بەش بە فەرمانى زانكۆى (٥٢١) لەبەروارى (٢٠١٥/١٢/٩) ئێستاش به‌رده‌وامه‌ له‌ سه‌ر كاره‌كه‌ی، ئەو مامؤستا و فەرمانبەرانەی ئێستا لە دەوام دان و ڕاژەیان لە بەشى ئەندازيارى شارستانيە ژمارەیان (١٠) دە مامۆستا و (٢) دوو فەرمانبەرە و (١)فه‌رمانبه‌ری ته‌نسیبی هه‌یه‌.

پەیامی بەشى ئەندازیارى شارستانى

ئه‌ندازیاری شارستانی كار ده‌كات بۆ ئاماده‌كردنی خوێندكارانی فه‌رهه‌نگه‌ جیاوازه‌كان بۆ بوون به‌ ئه‌ندازیاری سه‌ركه‌توو له‌ سه‌ر ئاستی ناوخۆو ده‌ره‌وه‌. خوێندنی ئه‌ندازیاری شارستانی به‌ جۆرێك داڕێژراوه‌ كه‌ خوێندكار فێری ته‌كنیكه‌كان بكرێ له‌ بواری فراوانى ئه‌ندازیاری شارستانیدا و جه‌ختكردنه‌وه‌ له‌ رۆڵی زانستی گشتیدا و‌ ڕه‌وشت و هەست کردن بە به‌رپرسیاریه‌تی لە كۆمه‌ڵگادا.

دیدی بەشى ئەندازیارى شارستانى
به‌شی ئه‌ندازیاری شارستانی پێی وایه‌ كه‌ كۆمه‌ڵگای ئه‌ندازیاری و بنیاسازی و ئاوه‌دانكردنه‌وه‌ به‌شێوه‌یه‌كی خێرا گه‌شه‌ده‌كات. به‌و پێیه‌ ئه‌ندازیاران و بیناسازی له‌ ئاینده‌شدا پشت ده‌به‌ستێ به‌ زانستی بنچینه‌یی ئه‌ندازیاری و و ژمێریاری سه‌رده‌مانه‌ بۆ به‌دیهێنانی ئامانجه‌كانیان. بۆیه‌ ئێمه‌ تیشك ده‌خه‌ینه‌ سه‌ر بنه‌وانی ئه‌ندازیاری وه‌ به‌كارهێنانه‌كانی له‌ دنیای پێشكه‌وتووی سه‌رده‌میانه‌. به‌شه‌كه‌ی ئێمه‌ ده‌بێت پێشه‌نگ بێت له‌به‌ر جه‌خت كردنه‌وه‌و به‌پێزی خوێندنی زانستی ئه‌ندازیاری و دیزاین و به‌كارهێنانی. وه‌ هه‌روه‌ها بناسرێت به‌وه‌ی كه‌ جه‌خت ده‌كاته‌وه‌ له‌سه‌ر خوێندنی ئه‌ندازیاری به‌ڕێوه‌بردن وه‌ به‌كار هێنانی زانایی له‌و بواره‌دا له‌ كاتی جێ به‌جێ كردنی پرۆژه‌كان. به‌شه‌كه‌مان به‌ به‌رده‌وامی كار له‌سه‌ر به‌رهه‌مهێنانی خوێندكاری شاره‌زای پراكتیكی له‌ بواریه‌كانی ئه‌ندازیاری و بیناسازی.

ئامانجی بەشى ئەندازیارى شارستانى

ئامانجه‌كانی به‌شی ئه‌ندازیاری شارستانی بريتين لە:

ده‌ست له‌سه‌ر دانانی كێشه‌كان و چاره‌سه‌ركردنیان
به‌ده‌ستهێنانی پله‌ی سه‌رۆكایەتی گروپ له‌ بواری ته‌كنیكی و به‌ڕێوه‌بردن
پێشه‌نگی داهێنه‌ری له‌ بیركردنه‌وه‌ له‌ كاتی جێبه‌جێكردنی پرۆژه‌كان
پاراستنی هه‌ستی ڕه‌وشتی و كۆمه‌ڵگایی بوون و ژینگه‌یی
دانه‌بڕان له‌ خوێندنه‌وه‌وه‌ و فێربونی زانستی نوێ له‌بواری ئه‌ندازیاری به‌خوێندنی ئه‌كادیمی زیاتر له‌و بوا‌ره‌دا
ئاماده‌كاری بۆ به‌ده‌ست هێنانی بروانامه‌ی پرۆفیشنالی
ئه‌ندازیاری گواستنه‌وه‌ی زانستی پێشكه‌وتوو بۆ به‌یانیه‌كی دامه‌زراو