University of Raparin Logo

به‌شی زانستی کۆمپیوته‌ر

پوخته‌یه‌ك ده‌رباره‌ى به‌شى زانستى كۆمپیوته‌ر

ئه‌م به‌شه‌ یه‌كێكه‌ له‌به‌شه‌ زانستییه‌كانى فاكه‌ڵتى په‌روه‌رده‌ى بنه‌ڕه‌تى زانكۆى ڕاپه‌ڕین، كه‌ بۆساڵى خوێندنى (٢٠١٢-٢٠١٣) كراوه‌ته‌وه‌. ئه‌م به‌شه‌ ده‌رچووانى پۆلى(١٢)ى به‌شى زانستى وه‌رده‌گرێت به‌شێوازى (قبوڵ مه‌ركه‌زى) له‌ناوه‌ندى وه‌رگرتنى وه‌زاره‌تى خوێندنى باڵا و توێژینه‌وه‌ى زانستى، خوێندن له‌م به‌شه‌دا (٤) ساڵه‌ و سیسته‌مى خوێندنى ساڵانه‌ په‌یڕه‌و ده‌كرێت. ده‌رچوانى به‌شه‌كه‌ هه‌ڵگرى بڕوانامه‌ى به‌كالۆریۆس (B.Sc) ده‌بن له‌به‌شى زانستى كۆمپیوته‌ر له‌ فاكه‌ڵتى په‌روه‌رده‌ى بنه‌ڕه‌ت. ده‌رچووانى ئه‌م به‌شه‌ ده‌توانن به‌پیشه‌ى مامۆستا دابمه‌زرێن له‌خوێندنگا بنه‌ڕه‌تییه‌كان, هه‌روه‌ها ده‌توانن له‌داموده‌زگا حكومییه‌كان و كه‌رتى تایبه‌ت دابمه‌زرێن و كاربكه‌ن.

پەیامی بەش
بەشی كۆمپیوتەر یەكێكە لە بەشە گرنگەكانی کۆلێژی پەروردەی بنەڕەت بۆ پڕكردنه‌وه‌ی پێویستیە بەرچاوەكانی ئەم كۆمەڵگەیە, ستافێكی بە تواناو خەم خۆری هەیە، كە هەوڵ دەدات بو پێدانی زانیاری بەكەڵك و پێویست و نمونەیی هاوشانی خۆی بە گوێرەی ستانداردی جیهانی, په‌روه‌رده‌كردنی تاكێكی بەتوانا و خەم خۆری كۆمەڵ لەڕێگای گەشەپێدانی بەهرە و توانای خوێندكار، كە لە بوارەكەی خۆیدا سەركەوتوبێت وپشتیوانی بوارەكانی ناو كۆمەڵگا بكات.

دیدی بەش
بەشی كۆمپیوتەر هەوڵدەدات ببێتە خوێندنگایەك، كە خوێندكار دەگەیەنێتە ئاستێكی بەرز لە ڕوی زانست و ڕەوشت لەڕێگای دانانی پلانی تۆكمە لە پرسی فێركردندا و بەستنەوەی هەردوو لایەنی تیۆری و پڕاكتیكی بەیەكەوە، بەشێویەك كە پڕۆسەی فێركردن بەرەو پێشچونێكی بەردەوام بەخۆیەوە بببینێت لە ڕێگای بەكارهێنانی تەكنەلۆجیای تازە و سەرئەنجام تاكێكی لێهاتوو لە تاییەتمەندییەكەی خۆیدا پێشكەش بە كۆمەڵگا بكات.

ئامانجی بەش
پلانی خوێندن لە بەشی كۆمپیوتەر دروست كراوە بەشێوەیەكی پتەو و بە توانایەكی زانستی بەرز بۆ خوێندنی سەرەتایی و خوێندنی باڵا.
گەشەپێدانی بەهره و توانای خوێندكاران بۆ دروست كردنی كەسایەتیەكی سەركەوتوو و بەتوانا و ئامادە لەبەردەم خێرایی پێشكەوتنی ژیاندا.
بەكارهێنانی شێوازی تازەو سەركەوتوو لە بواری وانەوتنەوە و دابینكردنی هەموو كەل وپەل و پیداوستیەكان بۆ سەركەوتن و گەیشتن بە ئاستی بەشە هاوپسپۆڕیەكان.
پشتگیری كردن لە هەموو پڕۆژەیەك، كە دەبێتە پاڵپشت بۆ بەشەكە.
گەشەپێدان و پشتگیری كردنی ئیشی بەكۆمەڵ.
گەشەپێدانی توانای ماموستا و فەرمانبەرانی بەشەكە و دابینكردنی هەموو پێداویستیەكانی.
پشتگیری كردن و یارمەتی دانی هەموو بەشەكانی کۆلێژی و زانكۆ لە بواری تەكنەلۆجیا و كۆمپیوتەر.
ببێتە بەشێكی گرنگ و كارا لە سەر ئاستی کۆلێژی بە تایبەت و لەسەر ئاستی زانكۆ بەگشتی, ئەمەش لە پێناوی بەرزكردنەوی ئاستی زانكۆ و گەیاندنی بە پێگە نمونەییەكان لە ڕیزبەندی زانكوكانی ناوچەكە و وڵاتانی دەوروبەر.