University of Raparin Logo

به‌شی ئینگلیزی

بەشی ئینگلیزی کار دەکات بۆ بەرەوپێشبردنی توانای فێربوون و فێرکردنی خوێندکارانی و ئامادەکردنیان بۆ مامۆستای ئینگلیزی بەشێوازێکی زانستی سەردەمیانە بە جۆرێک بتوانن خزمەتی نەتەوەو وڵاتەکەیان بکەن لە بواری پەروەردەو فێرکردندا. بابەتەکانی خوێندن، کە بابەتی زمانەوانی (تیۆری و کارەکی) و وێژەیین، وەکو بابەتی سەرەکیی فێرکردن بەکاردەھێنرێن. ھەرسێ ئاستی زمان (دەنگ، پێکھاتە، واتا) لە ڕێگەی بابەتی جۆراوجۆرەوە دەخوێنرێن. ھەروەھا لە بواری زمانەوانی کارەکیدا، فێربوونی زمانی ئینگلیزی و شێوازەکانی وانەوتنەوە و تاقیکردنەوە دەخوێنرێن. بابەتە وێژەییەکانیش ھەڵێنجراوی سەردەمە جیاوازەکانی ئەدەبی ئینگلیزییە.

دید و ئامانجی بەش
بەشی زمانی ئینگلیزی بایەخی تایبەتی دەدات بە بەکارھێنانی ڕێگا کاریگەرەکانی فێرکردن و بەکارھێنانی تەکنەلۆژیای سەردەم بۆفێرکردنی زمان. مامۆستاکان لە ھەوڵی بەردەوام دان بۆ بەکارھێنانی میتۆدی جیاواز و کاریگەر بۆ پێشخستنی توانای زانستی و زمانەوانی خوێندکاران و بەرزکردنەوەی ئاستی لێکۆڵینەوەی زانستییان.
بەشی زمانی ئینگلیزی لە فاکەڵتی پەروەردە کاردەکات بۆ بەرھەمھێنانی کادری راھێنراو بەشێوەیەک کە بتوانن لە ھەردوو کەرتی تایبەتی و گشتی پێشبڕکێ بکەن، لە بەدەستھێنانی ھەلی کار. پشت ئەستور بە ڕاھێنان و پەروەردەی زانستی بەدەستھاتوو، دەرچوانمان دەتوانن لە بوارە جیاجیاکانی ھەردوو کەرت لێھاتووانە خزمەت بکەن.