University of Raparin Logo

زانکۆی راپەڕین دوو گرانتی لەیەکێتی ئەوروپا بەدەستھێنا

چاپکردن ئیمەیڵ

راگەیاندنی زانکۆ

زانکۆی راپەڕین، توانی لەماوەی ساڵی رابردووەوە دوو گرانت لەپڕۆژەی ئیراسمۆس پڵەس بەدەستبھێنێت بەھاوبەشی لەگەڵ ژمارەیەک زانکۆ لەھەریەک لەوڵاتانی ئیسپانیاو ئەڵمانیا.
گرانتی یەکەم کە لەلایەن زانکۆی ئەلمیریا لە وڵاتی ئیسپانیا سەرپەرشتیدەکرێت بەناوی (Erasmus + KA١٠٧ International Credit Mobility project)ەو لەماوەی چەند مانگی داھاتوودا دەخرێتە بواری جێبەجێکردنەوە، ھەروەھا زانکۆی راپەڕین پێشتر لەگەڵ زانکۆی ئەلمیریا ھاوبەشی پڕۆژەی ئیراسمۆس مەندۆس مەرحەبا بووە.
ھاوکات دوای ئەوەی لەچەند مانگی ڕابردوودا (٨) زانکۆی ھەرێمی کوردستان لەگەڵ ھەر یەکە لە وەزارەتی خوێندنی باڵای ھەرێم و دەستەی کوردستانی بۆ دیراساتی ستراتیجی پڕەپۆزەڵێکی ھاوبەشیان ئامادەکرد و لەڕێگای زانکۆی (گۆتینگن)ی ئەڵمانیەوە پێشکەش بە کۆمسیۆنی یەکێتی ئەورپا کرا، لەچوارچێوەی پڕۆگرامی (Erasmus +) ، لە ئێستادا پڕەپۆزەڵەکە پەسەند کراوەو پارەی تەرخانکراو بۆ پڕۆژەکە نزیکەی (یەک) ملیۆن یۆرۆ دەبێت ،و بڕیارە لە ماوەی (٣) ساڵدا خەرج بکرێت.
ھەردوو گرانتەکە لەلایەن یەکێتی ئەوروپاوە سەرپەرشتیدەکرێن بەمەبەستی ئاڵوگۆڕی خوێندکاران و ستافی ئەکادیمی لەنێوان زانکۆ بەشداربووەکانی پڕۆگرامەکاندا ئەنجامدەدرێت.

مەرج و ڕێنماییەکانی وەرگرتن لە زانکۆ و پەیمانگە حکومییەکان بۆ ساڵی خوێندنی ٢٠١٧-٢٠١٨

چاپکردن ئیمەیڵ

وەزارەتی خوێندنی باڵا و توێژینەوەی زانستی مەرج و ڕێنماییەکانی وەرگرتنی دەرچووانی ١٢ی ئامادەیی لە زانکۆ و پەیمانگە حکومیەکان بۆ ساڵی خوێندنی ٢٠١٧-٢٠١٨ بڵاوکردەوە.

لە ڕاگەیەندراوەکەی وەزارەتی خوێندنی باڵادا هاتووە، مەرجی پێشکەشکردن بۆ کۆلێجەکانی پزیشکی گشتی، دەرمانسازی و دەرمان دەبێت تێکڕای کۆنمرەی خوێندکار لە ٨٥% کەمتر نەبێت.

درێژەی بابەت

لە ١٥ی ئەم مانگەوە داواکاری بۆ وەرگرتن لە زانکۆ و پەیمانگەکان بەسیستمی راستەوخۆ دەستپێدەکات

چاپکردن ئیمەیڵ

وتەبێژی وەزارەتی خوێندنی باڵا و توێژینەوەی زانستی ڕایدەگەنێت، بۆ ساڵی خوێندنی (٢٠١٧-٢٠١٨) وەزارەتی خوێندنی باڵا پلان و بەرنامەی تازەیی بەئاراستەی بەرەوپێشبردنی ڕەوتی خوێندن لە هەرێمی کوردستان و، بەرزکردنەوە ئاستی زانستی خوێندکاران و، کواڵێتی خوێندن داڕشت و، مەرج و ڕێنماییەکانی وەرگرتنی لە زانکۆ و پەیمانگە حکومییەکان هەرێمی کوردستان دەرکرد.

عەباس ئەکرەم وتەبێژی وەزارەتی خوێندنی باڵا و توێژینەوەی زانستی لە لێدوانێکدا ڕایگەیاند: دوای ئەوەی ساڵی ڕابردو بەسەرکەوتوی توانرا سیستمی وەرگرتنی ڕاستەوخۆی زانکۆیی لە زیاتر لە (١٠٠) بەشی زانستی لە زانکۆکاندا جێبەجێ بکرێ، بۆیە وەزارەتی خوێندنی باڵا بڕیاری فراوانکردنی ئەو سیستمەی دا و، بۆ ئەمساڵی خوێندن (٣٧٧) بەشی زانستی بەسیستمی وەرگرتنی راستەخۆی زانکۆیی خوێندکار وەردەگرن، جگە لە کۆلێژەکانی کۆمەڵەی پزیشکی، ئەندازیاری،بەشی یاسا، بەشەکانی زیندەوەرزانی و کیمیا و کۆمپیوتەر لە کۆلێژەکانی زانست، بەشی زمانی ئینگلیزی لە کۆلێژ و سکوڵەکانی زمان و زانستە مرۆڤایەتییەکان و ئەدەبیات کە وەک ساڵانی پێشو لە ڕێگەی (زانکۆلاین) خوێندکاران دەتوانن داواکاری پێشکەش بکەن، کە دواتر لەلایەن وەزارەتەوە کاتی کارابونی ڕادەگەیەنرێت.

وتیشی: لەوەرگرتنی ڕاستەوخۆی زانکۆیی ڕێژەی (٣٠%)ی کۆنمرە بۆ تاقیکردنەوەی بەش یان کۆلێژە دەبێت و، ڕێژەی (٧٠%)ی کۆنمرەی پۆلی دوانزەی ئامادەیی هەژمار دەکرێت، ئەوەشی ڕاگەیاند: کەمترین کۆنمرەی پێشبڕکێ بۆ کۆلێژ (٦٥%) و، بۆ پەیمانگە (٦٠%)، لەهەمان کاتدا بۆ بەشەکانی هونەر و وەرزش خوێندکاران بەکۆنمرەی (٦٠%) دەتوانن بچنە پێشبڕکێی وەرگرتن.

عەباس ئەکرەم جەختی لەسەر ئەوە کردەوە، ئەو خوێندکارەی کە بە سیستمی ڕاستەوخۆیی زانکۆیی وەردەگیرێت دواتر ناتوانێت دابەزین و گواستنەوە ئەنجام بدات، چونکە لەسەر بنەمای ئارەزو و لێهاتویی و تاقیکردنەوە وەردەگیرێت.

درێژەی بابەت